Заманауи оқыту әдістемелерін меңгеруде

Бүгін М.Дулатов атындағы Қостанай инженерлік-экономикалық университетінің оқытушылары «ЖОО-дағы заманауи оқыту технологияларын қолдану: CLIL технологиясы» атты әдістемелік семинарға қатысты. Семинар барысында әлеуметтік-экономикалық пәндер кафедрасының аға оқытушысы Гульзия Кабжановна Ескатова әріптестермен өз сабақтарында қолданып жүрген заманауи оқыту технологиясымен, студенттерді оқу үдересіне белсенділігі мен қызығышулығын арттыру әдістерімен бөлісті. Гульзия Кабжановна атап өткендей, бұл технологияның ерекшелігі - сабақтар студенттердің күнделікті өмірінде немесе болашақ кәсіби қызметінде кездесетін нақты жағдайлар негізделген. Сонымен қатар, бұл әдіс студенттердің қызығушылығын арттырады, олар оқу мақсатын көріп, сыни ойлау қабілеті мен пәнаралық дағдыларын дамытады. Оқытушылар тәжірибе алмасып, осы технологияны өз сабақтарында қалай тиімді қолданатыны туралы пікір алмасты.

14 қаңтар 2026 жыл