Мансаптық дамуына бағыт берілді

Қостанай инженерлік-экономикалық университетінің мансап және бизнес-көшбасшылық орталығы студенттерге арналған кездесу ұйымдастырды. Іс-шараға «ЭПК-forfait» ЖШС бас директоры, Қостанай облысы кәсіпкерлер палатасының өкілі Дидар Нұртасұлы Аманжулов, сондай-ақ «Respublica» партиясының Қостанай филиалының төрағасы Манара Амангельдіқызы Мадинина қатысты. Кездесу барысында студенттер өндірістік тәжірибе мен нақты жұмыс ортасын көріп, болашақ маман ретінде қандай дағдылар қажет екенін түсінді. Дидар Нұртасұлы компанияның қызметі, оның мақсаттары мен міндеттері туралы айтып, кадрлық стратегиямен бөлісті. Кәсіпорын қызметкерлерінің 30% - ы жастар екен. Ол кәсіпорында тәлімгерлік институты белсенді жұмыс істейтінін және әрбір қызметкердің кәсіби дағдыларын дамыту компанияның басымдығы болып табылатынын ерекше атап өтті. Ол студенттерді энергетиктер қатарына қосылуға шақырды. Манара Амангелдіқызы партия кәсіпорындардың жұмысымен іштей танысу мақсатында студенттер үшін өндірістік алаңдарға экскурсиялар ұйымдастыруды жоспарлап отырғанын атап өтті. Сондай-ақ, ол бастамашыл жастарды қолдауға бағытталған жастар саясатының бағыттарына тоқталды. Аталған кездесу барысында студенттер мамандықтың практикалық қырларымен танысып, өңірдегі жетекші кәсіпорындарда жұмысқа орналасу мүмкіндіктері туралы мағлұмат алды.

10 ақпан 2026 жыл.