Реформаның мазмұны мен мәнін саралады

Бүгін «AMANAT» партиясының облыстық филиалының «Талқылау» алаңында Конституция жобасы кеңінен талқыланды. Іс-шараға Қостанай инженерлік-экономикалық университетінің президенті Рихсибай Абдурахманұлы Мамедов, Ұлттық құрылтай мүшелері, барлық деңгейдегі мәслихат депутаттары, партия активі, үкіметтік емес ұйым өкілдері, қоғам белсенділері мен сарапшылар қатысып, реформаның мазмұны мен мәнін саралады. Кездесу барысында қатысушылар Конституция жобасының негізгі ережелерімен танысып, ұсынылып отырған өзгерістерді жан-жақты талқылады. Азаматтардың құқықтары мен бостандықтарын қорғау, құқықтық мемлекет қағидаттарын нығайту және азаматтық қоғамды дамыту мәселелеріне ерекше назар аударылды. Сондай-ақ қатысушылар Ата Заң жобасына енгізілетін өзгерістердің қоғам өміріне ықпалына қатысты өз пікірлерін ортаға салды.

10 ақпан 2026 жыл.