Жамбыл - ұлттың жыр жампозы

Қостанай инженерлік-экономикалық университетінің Жастар саясаты департаменті ұлы ақын, жыр алыбы Жамбыл Жабаевтың 180-жылдығына арналған «Жамбыл - ұлттың жыр жампозы» атты зияткерлік ойынын ұйымдастырды. Ойынға үш команда қатысып, өзара білім сайысында бақ сынады. Қатысушылар 100-ден 500-ге дейінгі балл қойылған бес ұяшықтың бірін таңдап, ақынның өмірі мен шығармашылығына қатысты сұрақтарға жауап берді. Студенттер Жамбылдың өмір жолы, айтыс өнеріндегі орны, соғыс жылдарындағы шығармалары және оның қазақ әдебиеті мен мәдениетіндегі тарихи маңызы туралы білімдерін көрсетті. Ойын жоғары деңгейде өтіп, қатысушылар өздерінің эрудициясын, белсенділігін және рухани мұраға деген құрметін дәлелдеді.

19 ақпан 2026 жыл.