Ынтымақтастықтың жаңа деңгейі

Қостанай инженерлік-экономикалық университетінің әлеуметтік-экономикалық пәндер кафедрасы мен К.А.Тимирязев атындағы Мәскеу ауыл шаруашылық академиясы - Ресей мемлекеттік аграрлық университеті онлайн-кездесу өткізіп, академиялық ынтымақтастықты кеңейту жолдарын талқылады.

Кездесуге ҚИнЭУ-дің академиялық даму жөніндегі проректоры Жұлдыз Орынтайқызы Ошақбаева қатысып, оқытушылар мен студенттер арасындағы тәжірибе алмасудың маңыздылығын атап өтті.
Кездесу барысында бірлескен дәрістер мен білім беру тәжірибесімен бөлісу, зерттеу жобалары мен ғылыми жарияланымдарға мақала жазуға ерекше мән берілді.

Кездесу қорытындысы бойынша тараптар тұрақты байланыс орнатуға ниетті екенін жеткізіп, келесі кездесуде бірлескен жобаларды жан-жақты талқылауға келісті.

25 ақпан 2026 жыл