Жаңа Конституция - студенттер талқысында

Бүгін Қостанай инженерлік-экономикалық университетінің заң кеңесшісі Талғатбек Жетпісбайұлы Байбулатов студенттермен Қазақстан Республикасының жаңа Конституциясы жобасына арналған кездесу өткізді.

Іс-шара барысында білім алушыларға негізгі заң жобасының тұжырымдамалық ережелері таныстырылып, ұсынылып отырған жаңашыл өзгерістер мен олардың институционалдық маңыздылығына тоқталды.

Заң кеңесшісі Қазақстанның тәуелсіз мемлекет ретінде отыз жылдан астам уақыт бойы дамып келе жатқанын, осы кезеңде елдің қалыптасу мен тұрақты өсу жолынан өткенін атап өтті. Осыған байланысты, оның пікірінше, Ата заңды жаңарту - саяси және құқықтық жүйені одан әрі жаңғыртудың заңды кезеңі болып табылады.

24 ақпан 2026 жыл