Ой салған фильмдер

Бүгін Қостанай инженерлік-экономикалық университетінің студенттеріне «Заң және тәртіп» қағидасы аясында «Хулиганка» қысқаметражды фильмі мен «Не книжные закладки» әлеуметтік бейнежобасы көрсетілді. «Хулиганка» фильмінде қоғам тарапынан «бұзақы» деп қабылданатын жасөспірімнің ішкі жан дүниесі ашып көрсетіледі. Фильмде оның агрессивті әрекеттерінің астарында жатқан қорқыныш, ішкі күйзеліс, әлеуметтік ортаның қысымы, өзін көрсетуге деген талпынысы және қоршаған ортаның мінез-құлқына әсері бейнеленген. Ал шынайы оқиғаларға негізделген «Не книжные закладки» әлеуметтік бейнежобасы синтетикалық есірткінің зияны туралы баяндайды. Онда есірткінің жасөспірімдер мен жастардың денсаулығы мен болашағына тигізетін ауыр зардаптары көрсетілген. Іс-шараның мақсаты - буллинг пен агрессияның себептері мен салдарын ашық талқылау, қоғамдағы стереотиптердің білім алушылардың мінез-құлқына әсерін түсіндіру, сондай-ақ жастардың құқықтық сауаттылығын арттыру. Көрсетілімнен кейін студенттер фильмдерді талдап, негізгі эпизодтарын кезең-кезеңімен талқылады, өз ойларымен бөлісіп, пікір алмасты.

3 наурыз 2026 жыл.