Конституциялық реформа талқыланды

Бүгін М. Дулатов атындағы Қостанай инженерлік-экономикалық университеті студенттері облыстық мәслихат депутаты, ҚР Журналисттер одағының Қостанай филиалының төрағасы және «Qostanai media» медиахолдингінің басшысы Александра Қабдуллақызы Сергазиновамен кездесті. Кездесу барысында спикер жаңа Конституция жобасынының ең маңызды өзгерістерге тоқталып, жан-жақты түсіндірді.

- Басты жаңашылдық - бір палаталы парламентке көшу. Бұл біртұтас мемлекеттер үшін халықаралық тәжірибеге сәйкес келеді. Біз біртұтас мемлекетпіз, сондықтан бір заң шығарушы орган жеткілікті, - деді Александра Сергазинова. Оның айтуынша, Жаңа Конституция жобасы - кемел келешекке бағдарланған маңызды құжат. Ол адам құқықтарын басты құндылық ретінде бекітеді. Сонымен қатар, Александра Қабдуллақызы студенттерді азаматтық белсенділік танытып, 15 наурызда өтетін республикалық референдумға қатысуға шақырды.

10 наурыз 2026 жыл.