Ұлыс оң болсын!

Шуақты көктемнің ерекше күндерінің бірі - Самарқанның көк тасы еріп, күн мен түн теңелген Әз-Наурыз мейрамы келді!

Биыл Наурыз мерекесі Ораза айтпен тұспа-тұс келіп, халқымыз үшін қос қуанышқа айналды.

Дүйім жұрт бұл айтулы күнді орталық алаңда қарсы алды. Міржақып Дулатов атындағы Қостанай инженерлік-экономикалық университеті де киіз үй тігіп, Ұлыстың ұлы күнін қостанайлықтармен бірге сән-салтанатымен атап өтті.

Келген қонақтарға наурыз көже мен ұлттық тағамдар ұсынылып, қазақтың бай салт-дәстүрлері кеңінен насихатталды. Ән шырқалып, би биленіп, ұлттық ойындар ойнатылып, мерекенің көркі қыза түсті.

Сонымен қатар, мерекеде Dijital-киіз үйлер – цифрлық, заманауи технологиялармен жабдықталған киіз үйлер көпшілік назарын аударды. Бұл - дәстүр мен жаңашылдықтың үйлесімі, Наурыз бен жасанды интеллекттің ғажайып үндестігі іспеттес болды.

Ұлыс оң болсын, ақ мол болсын!
Әр шаңыраққа береке, бірлік, бақ-дәулет тілейміз!

22 наурыз 2026 жыл