Бейресми білім: жаңа дағдыларды тез үйренудің тиімді әдісі

М. Дулатов атындағы Қостанай инженерлік-экономикалық университеті Coursera халықаралық білім беру платформасын пайдалана отырып, 2024 жылдан бастап бейресми білім беру элементтерін белсенді енгізуде. Университеттің білім алушылары кәсіби және цифрлық құзыреттіліктерін кеңейте отырып, әлемнің жетекші университеттері мен компанияларының онлайн-курстарына қол жеткізе алады.

2024 жылы Coursera платформасында оқытудан 99 оқытушы, 2025 жылы 126 адам өтті.

Осы бастама шеңберінде 2025-2026 оқу жылында 6В04102 "Менеджмент" білім беру бағдарламасы бойынша 3-ші курс білім алушылары Coursera платформасында "Қонақ үй бизнесі менеджменті" пәнінің силлабусында көзделген төрт тақырып бойынша оқудан сәтті өтті. Курстарды игеру тиісті сертификаттармен расталды.

Оқытылған курстардың мазмұны білім беру бағдарламасының талаптарына, сондай-ақ пәннің жұмыс бағдарламасының дәрістік және практикалық сабақтарының тақырыбына толық сәйкес келеді, бұл халықаралық білім беру ресурстарын оқу процесіне интеграциялаудың тиімділігін растайды.

Университеттің білім беру ортасына Coursera енгізу  - мамандарды даярлау сапасын арттыруға және студенттердің бәсекеге қабілетті дағдыларын дамытуға ықпал етеді.

30 наурыз 2026 жыл.