Шешендік өнер формуласымен бөлісті

Бүгін Қостанай инженерлік-экономикалық университетінде «Көпшілік алдында сөйлеу дағдылары. Шешендік өнер. Өз-өзін таныстыру және жобаларды қорғау» тақырыбында шеберлік сабағы өтті. Іс- шараны ҚИнЭУ Мансап және бизнес-көшбасшылық орталығы ұйымдастырды.

Спикер - ҚР «Атамекен» ҰКП төралқасы жанындағы әлеуметтік кәсіпкерлікті дамыту жөніндегі кіші комитеттің төрағасы Александр Анатольевич Соболев.

Оның айтуынша, шешендік өнер - әр адамға өмірде қажет болатын дағдылардың бірі.

- Сабақта немесе конференцияларда сөйлеген кезде сіз әрдайым аудиториямен жұмыс істейсіз. Ең бастысы - ойды дұрыс жеткізу, тыңдаушыны сендіре білу және аудитория нені бірінші кезекте бағалайтынын түсіну, - деді ол.

Спикер көпшілік алдында сөйлеудің негізгі аспектілеріне тоқталды. Оның айтуынша, инвесторлар алдында жобаны қорғау кезінде сыртқы келбет, аудиториямен байланыс орнату, дауыс ырғағы және ең бастысы - шынайылық маңызды.

Сондай-ақ Александр Соболев оратордың тиімді формуласымен және шешендік өнердің негізгі қағидаларымен бөлісті. Алдағы аптада студенттер өз бизнес-жобаларын аудитория алдында қорғайды. Бүгінгі шеберлік сабағы олар үшін жақсы дайындық пен тәжірибе алаңы болды.

https://www.instagram.com/reel/DXEh0n0jIan/?igsh=Z2o2bmhlYmVtaTA1

13 сәуір 2026 жыл