Ғылым, бизнес, білім - ҚИнЭУ-дегі синергия

Бүгін М. Дулатов атындағы Қостанай инженерлік-экономикалық университетінде «Синергия: ғылым, бизнес, білім» пленарлық сессиясы өтті.
Іс-шара Халықаралық студенттік ғылыми-практикалық конференция және Ғылым күні аясында өтіп, бір алаңға ғылым, мемлекеттік құрылымдар, бизнес орта өкілдерін, оқытушылар мен студенттерді жинады.
ҚИнЭУ президенті Рихсибай Абдурахманұлы Мамедов құттықтау сөзінде қазіргі таңда ғылым қызметкерлерінің рөлі артып келе жатқанын атап өтті. Оның айтуынша, елдің стратегиялық даму бағыттары ең алдымен білім мен ғылым саласына тікелей байланысты.
Университет пен өндіріс арасындағы ынтымақтастықтың негізгі бағыттары туралы ғылыми-инновациялық даму және жасанды интеллект жөніндегі проректор Нұргүл Калиевна Удербаева айтып өтті. Оның айтуынша, білім беру үдерісіне бизнестің белсенді қатысуы - сұранысқа ие мамандар даярлаудың маңызды шарты.
ҚИнЭУ индустриялық серіктестермен жүйелі өзара іс-қимыл орнатуда, соның ішінде KIA Qazaqstan компаниясымен дуальды оқыту элементтері, тағылымдамалар және тәжірибеге бағытталған студенттік даярлық жүзеге асырылуда. Бизнес пен білім беруді интеграциялаудың тағы бір тиімді мысалы - «СарыарқаАвтоПром» ЖШС-мен ынтымақтастық.
Қазіргі уақытта «Өнеркәсіп үшін кадрлар даярлауда жасанды интеллекттің рөлі: дуальды білім берудің цифрлық трансформациясы» атты гранттық қаржыландыру аясындағы бірлескен ғылыми-техникалық жоба бойынша жұмыс жүргізілуде. Бұл ынтымақтастықтың жаңа деңгейге - кадр даярлаудан бірлескен ғылыми әзірлемелерге өтуін дәлелдейді.
«Allur» компаниялар тобының корпоративтік университеті директоры Людмила Юрьевна Олкинян инженер, ғалым және студент кездесетін зертханалар құрудың маңыздылығын атап өтті.Ғылым қызметкерлері күніне орай адал еңбегі, студент жастарды тәрбиелеуге және білім беру саласын дамытуға қосқан елеулі үлесі үшін техника ғылымдарының кандидаты, энергетика және машина жасау кафедрасының профессоры Амангельды Болатович Шаяхметовке, әлеуметтік-экономикалық пәндер кафедрасының аға оқытушысы Ляззат Алдабергеновна Бимурзинаға, сондай-ақ ҚИнЭУ студенттері Карина Казачук пен Артем Камфқа облыс әкімінің Құрмет грамоталары табыс етілді.
Сондай-ақ сарапшы-спикерлерге алғыс хаттар, ал Қазақстан Республикасының Ұлттық инженерлік академиясының корреспондент-мүшелеріне дипломдар табысталды.
Бір нәрсе анық - диалог конструктивті түрде өтті және ол әлі жалғасады. Шынында да, мұндай кездесулердің артында нақты жобалар, жаңа идеялар және болашақ мамандар тұр.

17 сәуір 2026 жыл. 

+