Ғылым біріктіреді

М.Дулатов атындағы Қостанай инженерлік-экономикалық университетінде Ғылым күніне орайластырылған “Ғылыми зерттеулер мен практикалық жетістіктер” атты Халықаралық студенттік ғылыми-практикалық конференция аясында “Синергия: ғылым, бизнес, білім” пленарлық сессиясы өтіп, бір алаңға мемлекеттік құрылымдардың, академиялық қоғамдастықтың, өңірдің ірі өндірістік кәсіпорындарының өкілдерін, оқытушылар мен білім алушыларды жинады. Іс-шараға Қазақстан Республикасы Ұлттық Инженерлік Академиясының жаңа корреспондент-мүшелерін құрметтеу рәсімі ерекше мән берді. Бұл мәртебе өңір мамандарының ғылыми жетістіктерін мойындауының дәлелі болып табылады. Салтанатты жағдайда ҚР ҰИА президенті, академик Б. Т. Жұмағұловтың атынан дипломдар табысталды: Олкинян Л. Ю. - “СарыарқаАвтоПром” ЖШС Allur компаниялар тобының корпоративтік университетінің директоры; Павленко Д. И. - Қостанай облысы әкімдігі білім басқармасының “Қостанай автомобиль көлігі жоғары колледжі” КМҚК директоры; Шаяхметов А. Б. - М. Дулатов атындағы ҚИнЭУ энергетика және машина жасау кафедрасының профессоры; Амантаев М.А. - А. Байтұрсынұлы атындағы ҚӨУ КЕАҚ аграрлық техника және көлік кафедрасының қауымдастырылған профессоры; Якубовский Александр Васильевич - “Агромашхолдинг KZ” АҚ персоналды оқыту және дамыту орталығының оқыту жөніндегі бас маманы; Наталья Алексеевна Камышева - ҚР ҰИА Қостанай филиалының ғылыми хатшысы. Академияның өңірдегі қызметі экономика ғылымдарының докторы, профессор С. Б. Исмуратовтың жетекшілігімен ҚР ҰИА Қостанай филиалы базасында белсенді дамып келеді. Қазақстан Республикасының инженерлік әлеуетін дамыту үшін табысты ғылыми бастамалар, нақты мақсаттарға қол жеткізу және жаңа жетістіктер тілейміз!

17 сәуір 2026 жыл