Бизнеске дайын жобалар

Бүгін энергетика және машина жасау кафедрасының, сондай-ақ көлік және сервис кафедрасының студенттері жобалық оқыту аясында «Технологиялық кәсіпкерлік және стартаптар» пәні бойынша өз жобаларын таныстырды.

Студенттер жан-жақты ойластырылған, өзекті әрі нарықтың нақты сұранысына бағытталған дайын бизнес-жобаларын ұсынды. Ер балалар өздеріне жақын техникалық бағыттағы салаларды таңдаған: металл өңдеу, ангар салу, жиһаздың инновациялық өндірісі, өзіне-өзі қызмет көрсететін автожуу орны, сервистік орталық, уақытша жұмыс табуға арналған мобильді қосымша және тағы басқа жобалар.
Ал қыздар жағы болса, жайлылыққа, эстетикаға және заманауи сұранысқа сай – «өзіңмен кофе алу кету» қызметі мен бенто-торттарды әзірлеу сияқты идеяларын ортаға салды.

Ең маңыздысы - барлық жобалар студенттердің бүгінгі өмірлік қызығушылықтарын, көзқарастарын және сұранысқа ие өнімдер мен қызметтерді жасауға деген ұмтылысын көрсетті.

Бұл жай ғана оқу жұмыстары емес, жүзеге асыруға толықтай дайын стартап-жобалар екенін сеніммен айтуға болады. Оларға тек қолдау мен инвестиция қажет.

12 мамыр 2026 жыл