Болашақ - білім мен ғылымда

Бүгін Л. Н. Толстой атындағы Қостанай облыстық әмбебап ғылыми кітапханасында «Қазақстанның болашағы - білім мен ғылымда» атты ғылыми сағаты өтті. Іс-шараға Қостанай инженерлік-экономикалық университетінің студенттері белсенді қатысты.
Кездесу барысында ғылымның қазіргі қоғамдағы маңызы, оның елдің дамуы мен болашағына қосатын үлесі туралы сөз қозғалды. Сонымен қатар білім мен ғылымның жаңа технологиялармен, IT саласымен және инновациялармен тығыз байланысы атап өтілді.
Студенттерге заманауи стартаптар, инновациялық жобалар және жас кәсіпкерлерге арналған мүмкіндіктер туралы ақпарат берілді.
Сонымен қатар қатысушылар облысымызда жұмыс істейтін Smart-орталықтың қызметімен танысты. Мұнда әрбір адам өз идеясын жүзеге асырып, түрлі жобалар мен байқауларға қатысып, қолдау алып, өз бизнесін дамытуға қаржылай мүмкіндікке ие бола алады.

8 қыркүйек 2026 жыл