Конституция – мемлекеттің негізгі заңы

Бүгін Қостанай инженерлік-экономикалық университетінде «Конституция - мемлекеттің негізгі заңы» атты тақырыбында дәріс өтті.

Іс шараға арнайы шақырылған спикер – Қостанай өңірлік университетінің әлеуметтік-гуманитарлық пәндер кафедрасының меңгерушісі, тарих ғылымдарының кандидаты Серікжан Сағындықұлы Исмаилов. Ол бірінші курс студенттеріне Конституцияның жаңа қағидаттарымен таныстырып, олардың мәні мен мазмұнын түсіндірді.

Дәріс барысында студенттер еліміздің конституциялық дамуы, мемлекеттік-құқықтық өзгерістер және олардың қоғам өміріндегі маңызы туралы мағлұмат алды.

Іс-шараның негізгі мақсаты - жастардың құқықтық сауаттылығын арттыру және еліміздегі мемлекеттік-құқықтық өзгерістерді терең түсінуге ықпал ету.

16.09.2026