Уақытты жоспарлауды үйренді

Қостанай инженерлік-экономикалық университетінің әлеуметтік-экономикалық пәндер кафедрасының профессоры Раиса Алексеевна Притула «Тайм-менеджмент» пәні бойынша сабақ өткізді.

Дәріске студенттермен бірге оқытушылар да қатысып, уақытты тиімді жоспарлау мен ұйымдастырудың тәсілдерімен танысты.

Дәріс барысында уақытты тиімсіз пайдалануға әсер ететін негізгі факторлар қарастырылды. Раиса Алексеевна күнделікті өмірден нақты мысалдар келтіріп, адамның уақытын байқатпай алатын әдеттерге назар аударды.

Солардың бірі - смартфонды шамадан тыс пайдалану. Әлеуметтік желілер, мессенджерлер, жаңалықтар мен түрлі мобильді қосымшаларға жұмсалатын уақыт күн тәртібінің елеулі бөлігін алуы мүмкін. Сондықтан уақытты тиімді басқару үшін ең алдымен өз күнделікті әдеттерімізге талдау жасап, маңызды міндеттерге басымдық бере білу қажет.

Раиса Алексеевна қатысушыларды өз уақытын бағалауға, күнін дұрыс жоспарлауға және маңызды мақсаттарға басымдық беруге шақырды.

18.09.2026