Түркияға бағыт: туризм, менеджмент, өндіріс

Қостанай инженерлік-экономикалық университетінің ректоры Арман Оразалиевич Исмаилов  жұмыс сапармен Түркияға барып, халықаралық байланыстарды нығайту және білім беру саласындағы жаңа серіктестік бағыттарды дамыту мақсатында бірқатар маңызды кездесулер өткізді.

🇰🇿🇹🇷Сапар барысында  ҚИнЭУ ректоры Анталья Белек (Antalya Belek Üniversitesi) университетіне барып,  оқу орнының басшылығымен, қамқоршылық кеңесінің төрағаларымен және  халықаралық байланыстар офисінің мамандарымен кездесті.

Кездесу барысында екі университет арасындағы ынтымақтастықтың жаңа мүмкіндіктері талқыланып, бүгін ынтымақтастық туралы келісімге қол қойылды.

Келісім аясында бірлескен жұмыстарды бірнеше маңызды бағыт бойынша дамыту жоспарланып отыр. Атап айтқанда, туризм және менеджмент білім беру бағдарламалары, сондай-ақ қайта өңдеу өндірістерінің технологиялары бағыттарында тәжірибе алмасу, академиялық байланыстарды нығайту және жаңа білім беру мүмкіндіктерін қалыптастыру көзделуде.

Бұл серіктестік КИнЭУ-дің халықаралық байланыстарын кеңейтіп, студенттер мен оқытушылар үшін жаңа мүмкіндіктерге жол ашады.