Тюмень мен Қостанайдың академиялық байланысы

Бүгін ҚИнЭУ-де Тюмень индустриалдық университетінің гуманитарлық ғылымдар кафедрасынының профессоры, философия ғылымдарының докторы Татьяна Владимировна Дягилеваның онлайн-дәрісі өтті. Ол «Өнер - мәдениетті қалыптастыру құралы» атты авторлық дәрістер циклын таныстырды.

Кездесуді әлеуметтану ғылымдар докторы, профессор, гуманитарлық ғылымдар мен технологиялар кафедрасының меңгерушісі Ламара Ленгизовна Мехришвили ашып, екі университет арасындағы әріптестіктің жылдан-жылға нығайып, мазмұны жағынан да кеңейіп келе жатқанын айтты.

- Біз ынтымақтастығымызды жалғастыруға қуаныштымыз. Бірлескен кездесулер мен дәрістер көбейіп, білім мен тәжірибе алмасуға, ғылыми мектептер арасындағы байланысты дамытуға мүмкіндік артып келеді. Қазіргі таңда ҚИнЭУ-мен ынтымақтастық туралы келісім жобасы университет басшылығының қарауында. Біз үшін ең маңыздысы - құжат емес, қалыптасқан жақсы қарым-қатынас. Дегенмен, келісімге қол қою осы байланысты жаңа деңгейге көтеріп, алдағы уақытта жүзбе-жүз кездесулер өткізуге мүмкіндік береді, - деді Ламара Ленгизовна.

Дәріс барысында өнер мен философияның байланысы, өнердің қоғам мен мәдениеттегі орны, музыкалық мәдениеттің ерекшеліктері талқыланды. Татьяна Дягилева өнерді ғылым, миф және дін секілді адамзаттың дүниетанымын қалыптастыратын құбылыстармен салыстыра отырып, олардың арасындағы ерекшеліктерге тоқталды.

Бүгін қашықтыққа қарамастан, Тюмень мен Қостанай ортақ академиялық кеңістікте тоғысты.