Торғайдағы кәсіби бағдар жұмысы

Бүгін әлеуметтік-экономикалық пәндер кафедрасының оқытушысы Роза Әділбекқызы Абилкаирова облыс орталығынан шалғай орналасқан Жангелдин ауданының оқушыларымен кездесті.

Ол Торғайдағы бірнеше білім беру мекемелеріне барып, кәсіби бағдар жұмыстарын жүргізді. Атап айтқанда, Ы.Алтынсарин, Н.Г. Иванов атындағы жалпы білім беретін мектептерінің оқушыларына университетіміздің артықшылықтары туралы айтып, білім беру бағдарламаларымен және университет ұсынатын мүмкіндіктерімен таныстырды. Сонымен қатар университет туралы мәліметтерді қамтитын арнайы буклеттерді де таратты.

Болашақ мамандығын таңдау жолында тұрған мектеп түлектері үшін мұндай кездесулердің маңызы зор.

05.11.2026