АХМЕТ БАЙТҰРСЫНОВ ЕСКЕРТКІШІНЕ ГҮЛ ШОҚТАРЫН ҚОЮ

АХАҢ АТЫНДАҒЫ БІЛІМ ОРДАСЫНДА БҮГІН МЕРЕЙТОЙ
Ахмет Байтұрсынұлы атындағы Қостанай өңірлік университетінің 85 жылдығына орай, Ұлт ұстазы Ахмет Байтұрсынұлының ескерткішіне гүл шоқтарын қою рәсімі өтті. Бұл айтулы шарада ҚР Ғылым және жоғары білім вице-министрі Динара Ринатқызы Щеглова, қала университеттерінің ректорлары, белгілі ғалымдар мен университет студенттері бас қосып, Байтұрсынұлының ұлы мұрасына құрмет көрсетті.

Baitursynov University ұйымдастырған бұл іс-шара Ахмет Байтұрсынұлының рухани мұрасына тағзым етіп, оның қазақ ғылымы мен мәдениетіне қосқан елеулі үлесін еске алуға арналған ерекше мәні бар жиын болды.

Міржақып Дулатов атындағы Қостанай инженерлік-экономикалық университетінің атынан әріптестерімізді осы тарихи мерейтоймен шын жүректен құттықтаймыз! Сіздерге толағай табыстар, шығармашылық өрлеу мен ғылым жолындағы жаңа жетістіктер тілейміз.