Қаржылық сауаттылық өз ресурстарыңды қорғаудан басталады

Бүгін Қостанай инженерлік-экономикалық университетінің студенттері «Қаржылық сауаттылық негіздері» пәні аясында «Сақтандыру және сақтандыру тәуекелдері» тақырыбын өтті. Тақырыпты тереңірек меңгеру мақсатында сабаққа арнайы қонақ - сақтандыру агенті, «Халық-Life» АҚ қаржылық кеңесшісі, біздің университеттің түлегі Галина Геннадьевна Рыльская шақырылды. Бүгінде ол сақтандыру саласының тәжірибелі маманы әрі өз ісінің кәсіби сарапшысы. Спикер студенттерге сақтандырудың маңыздылығына, оның не үшін қажет екеніне тоқталды. Сабақ барысында студенттер тәуекел ұғымын - қаржылық шығындарға әкелуі мүмкін қолайсыз оқиғаның туындау ықтималдығын талқылады. Мысалдардың ішінде, аурулар, жол-көлік апаттары, өрт, жұмыссыз қалу және басқа да жағдайлар. Сабақ барысында студенттер белсенді пікір алмасып, өз ойларын ортаға салды. Талқылау соңында олар маңызды қорытындыға келді: қаржылық сауаттылық - өз ресурстарыңды қорғаудан басталады.

28 қазан 2025 жыл