Спорт, эмоция, жанкүйерлер қолдауы

Қазақстан халқы Ассамблеясының 30-жылдығы мен Қазақстан Республикасы күніне орай ұйымдастырылған спартакиада алаңынан репортажымызды жалғастырамыз. Бүгін ҚИнЭУ спорткешені тартысты бәсекеге толы. Облысымыздың этномәдени бірлестіктерінің құрамалары үздік атану үшін өзара бақ сынасты. Сайыс додасы бес спорт түрі бойынша ұйымдастырылды. Дойбыдағы әр ойын қызықты стратегиялық ойлар мен шиеліністі сәттерге толы болды. Дартста қатысушылардың дәлдігі таңқалдырды. Шағын футбол алаңында доп үшін қызу күрес өрбіді, ал стрибол мен волейболдан командалар жан салмай, керемет комбинациялар көрсетті. Эмоциялар шарықтап тұр. Жанкүйерлер де командаларды қызу қолдап жатыр. Спартакиада қорытындысы бірер сағаттан кейін белгілі болады.

13 қараша 2025 жыл