Білім - Тәуелсіздіктің тірегі

ҚИнЭУ-де әлеуметтік-экономикалық пәндер кафедрасында әдістемелік апталығы аясында «Білім - Тәуелсіздіктің тірегі» атты қызықты викторина өтті. Өздерінің білімдерін тек біздің университет кафедра командалары ғана емес, сонымен қатар ҚР ІІМ Ш.Қабылбаев атындағы Костанай академиясы қызметкерлері де сынап көрді. Сұрақтар Қазақстанның тәуелсіздігі тарихына, Қостанай өлкетануына, ел экономикасына, көрнекті тарихи тұлғаларға және логикалық ойлауды қажет ететін тапсырмаларға қатысты болды. Сұрақ неғұрлым қиын болса, соғұрлым ұпай көбірек. Викторинаның мақсаты - тек білімді тексеру ғана емес, тәуелсіздіктің әрқайсымыз үшін маңызын терең түсіну. Жарыстың қорытындысы бойынша жеңіске ҚР ІІМ Ш.Қабылбаев атындағы Костанай академиясының командасы жетті, екінші орын -Стандартизация және тамақ технологиялары кафедрасы, үшінші орын -ақпараттық технологиялар мен автоматика кафедрасы.

10 желтоқсан 2025 жыл.