Хабтың ерекше миссиясы

Бүгін ҚИнЭУ әлеуметтік кәсіпкерлік Хабында әлеуметтік кәсіпкер Динара Куджулованың қатысуымен алғашқы шеберлік сабағы өтті. Іс-шараны мансап және бизнес-көшбасшылық орталығы ұйымдастырды. Динара Жазитқызы – Қостанай облысы кәсіпкерлер палатасының салалық кеңесінің мүшесі, ісі ілгері жүрген кәсіпкер, дзюдодан паралимпиада чемпионы, тағдырына мойымай, еңбегімен биіктікке жеткен тұлға. Динара Куджулованың өз тігін цехы бар. Енді ол тігін шеберлігіне тек қызметкерлерін оқытып қана қоймай, ҚИнЭУ еріктілерімен де тәжірибесімен бөліседі. Хабтың басты мақсаты да осы – студенттерді инклюзивті ортада жұмыс істеуге бейімдеу, ерекше қажеттіліктері бар жандарға бағыт-бағдар көрсетіп, оларды қоғамға бейімдеуге көмектесетін мамандарды дайындау. Шеберлік сабақ барысында Динара Жазитқызы қолөнердің және әлеуметтік кәсіпкерліктің маңыздылығы туралы айтып, құрақ, геотекстиль және түрлі маталар мен құрал-жабдықтарды таныстырды, тігін машинасымен жұмыс істеу кезіндегі қауіпсіздік шараларын түсіндірді. Айта кетейік, ол тігін тігуді алты жасынан бастап үйренген. Бүгін студенттер өздерінің алғашқы бұйымдарын тігip шығып, бұл процесстен тәжірибелік дағды мен шығармашылық шабыт алды.

11 желтоқсан 2025 желтоқсан.