Темір жол - жоғары қауіпті аймақ

Қостанай инженерлік-экономикалық университетінде студенттер мен Қостанай станциясындағы желілік полиция бөлімі қызметкерлерінің кездесуі өтті. Азаматтық және қызметтік қару айналымын бақылау тобының инспекторы Мирас Дощанов студенттерге «Темір жол - жоғары қауіпті аймақ» тақырыбында дәріс оқып, темір жол маңындағы қауіпсіздік ережелерін егжей-тегжейлі түсіндірді. Кездесу барысында темір жолдағы қауіпсіздікпен қатар, тыйым салынған заттар — суық қару, пиротехникалық бұйымдар және басқа да қауіпті заттар туралы айтылды. Студенттерге әкімшілік және қылмыстық жауапкершілік, сондай-ақ құқық бұзушылыққа нөлдік төзім қағидаты түсіндірілді. Дәріс «Құқықтық тәртіп» және «Пиротехника» жедел-профилакикалық іс- шаралары аясында өтті.

11 желтоқсан 2025 жыл.