Сөз түзелмей-іс түзелмейді

Бүгін әлеуметтік-экономикалық пәндер кафедрасының әдістемелік апталығы аясында экономика ғылымдарының кандидаты, профессор Раиса Алексеевна Притула және магистр, аға оқытушы Евгения Евгеньевна Притула «Сөз әдебі» тақырыбында шеберлік сыныбын өткізді.

Шараның негізгі мақсаты - сөздік этикет, вербалды және вербалды емес қарым-қатынас нормалары, сөйлеу мәдениеті туралы білімді бекіту, студенттердің кәсіби коммуникация дағдыларын жетілдіру.

Профессор Раиса Алексеевна өз сөзінде кез келген істің жетістігі адамның мәдениеттілігіне байланысты екенін атап өтті. Этикетті меңгеру адамның тұлғалық және кәсіби беделін қалыптастырып қана қоймай, оның кәсіби талаптарға қаншалықты сай келетінін де айқындайды.

Шеберлік сыныбы барысында студенттер дұрыс емес мінез-құлықтың мысалдарын да талқылады. Шара қорытындысында қатысушылар сөйлеу мәдениеті - адамның жалпы білім деңгейінің, мәдениеттілігінің және кәсіби құзыреттілігінің маңызды көрсеткіші екеніне тоқталды. Дұрыс сөйлеу - табысты қарым-қатынастың, тиімді кәсіби әрекеттің және қоғамда өзіндік оң имидж қалыптастырудың негізгі элементі екені атап өтілді.

12 желтоқсан 2025 жыл