Білім беру бағдарламаларының мазмұны қарастырылды

Бүгін стандарттау және тағам технологиялары кафедрасында білім беру бағдарламаларын әзірлеу бойынша академиялық комитеттің отырысы өтті. Оған кафедраның профессор-оқытушылар құрамы, жұмыс берушілер мен студенттер қатысты. Күн тәртібінде «Стандарттау және сертификаттау» және «Қайта өңдеу өндірістерінің технологиясы» білім беру бағдарламалары қарастырылды. Отырыстың негізгі мақсаты оқу пәндерін оңтайландыру болды. Академиялық комиссияның кеңейтілген отырысы университет пен сыртқы мүдделі тараптар арасында ашық әрі конструктивті диалог орнатуға, білім беру бағдарламаларының мазмұнын сараптамалық бағалауға, сондай-ақ жұмыс берушілердің, студенттердің ұсыныстары мен пікірлерін ескере отырып, білім беру бағдарламаларын әрі қарай жетілдіруге мүмкіндік берді.

23 қаңтар 2026 жыл.