Семей полигоны: куәгерлер естелігі

Бүгін Қостанай инженерлік-экономикалық университетінің студенттері Семей ядролық полигонының ардагерлерімен кездесті. Қонақтар - Кеңес Одағы кезеңінде әр жылдары аталған полигонда әскери борышын өтеген сарбазар. Кездесудің басты тақырыбы - Семей ядролық полигоны.
Ардагерлер өздерінің жеке тәжірибелерімен бөлісіп, полигондағы өмір мен қызметтің нақты жағдайлары, ядролық сынақтардың салдары, сондай-ақ бұл оқиғаларды бүгінгі күнге дейін есте сақтаудың маңыздылығы туралы әңгімеледі. Студенттер үшін бұл тарихты оқулықтан емес, оны өз көзімен көріп, басынан өткерген адамдардан тыңдауға мүмкіндік болды.
Бұл жай ғана тарихи деректер емес, мыңдаған отбасының және тұтас бір аймақтың тағдырына әсер еткен оқиғалар. Бұл кездесу тікелей куәгерлерінің тірі естеліктеріне толы болды.
Аталған кездесу өткенге саналы көзқарас қалыптастырып, болашақ ұрпаққа әсер ететін шешімдердің бағасын тереңірек түсінуге ықпал етті.

28 қаңтар 2026 жыл.