Білім бағдарламаларын жаңарту

Қостанай инженерлік-экономикалық университетінің көлік және сервис кафедрасында «Логистика» және «Тасымалдауды, қозғалысты ұйымдастыру және көлікті пайдалану» білім беру бағдарламаларын әзірлеу жөніндегі академиялық комитеттің отырысы өтті. Кездесудің негізгі тақырыбы - пәндердің мазмұнын қазіргі заманғы тенденциялар мен саланың болашақ талаптарына сай жаңарту болды. Оқытушылар оқу жоспарына «Көліктік құқық» және «Қауіпсіздігі және еңбекті қорғау» пәндерін енгізу ұсынылды. - Теміржол - қауіпті аймақ, мұнда жарақат алу жағдайлары жиі кездеседі. Сондықтан қауіпсіздікке қатысты пәндерді оқу процесіне қосу - дұрыс шешім, - деп атап өтті отырысқа қатысқан жұмыс берушілер. Сонымен қатар, «Жүк тиеу және түсіру жұмыстарын механикаландыру технологиялары» мен «Қойма логистикасы» пәндерін біріктіру, сондай-ақ «Логистикадағы бизнес-коммуникациялар» пәнін дуалды форматта енгізу ұсынылды: кейбір лекциялар өндірісте, ал кейбіреуі университетте өтеді. Жұмыс берушілер де логистикадағы коммуникациялық дағдылардың маңыздылығына ерекше тоқталды. Логистикада тиімділік келіссөз жүргізу, ойды жеткізу және дұрыс қарым-қатынас жасау арқылы жүзеге асады. Сондықтан бұл пәнді оқу бағдарламасына енгізуді қолдады. Профессор-оқытушылардың айтуынша, мұндай өзгерістер студенттерге қазіргі заманғы білім алу, практикалық дағдыларын жетілдіру және көлік пен логистика саласында нақты жұмысқа дайын болуға мүмкіндік береді.

27 қаңтар 2026 жыл.