Лайықты марапат

М.Дулатов атындағы Қостанай инженерлік-экономикалық университетінің ғылыми кеңес отырысында марапаттау рәсімі өтті. «Стандарттау және тағам технологиялары» кафедрасының аға оқытушысы Инна Ивановна Гайдай көп жылғы адал еңбегі, жоғары кәсібилігі және білім беру мен қоғамдық қызметті дамытуға қосқан елеулі үлесі үшін «Еңбек ардагері» медалімен марапатталды. Экологиялық жобаға белсенді қатысқаны және университетімізде экологиялық мәдениетті дамытуға қосқан елеулі үлесі үшін университет ректоры оқу процессін жоспарлау ұйымдастыру бөлімінің басшысы мен бас маманы Елена Петровна Холинаға және Елена Ивановна Субботинаға, әлеуметтік-экономикалық пәндер кафедрасының аға оқытушысы Эльмира Карымжановна Аскароваға, сондай-ақ университет студенттері Карина Казачук, Ажар Нурмағамбетоваға, Андрей Дзипетрук, Мирас Жеңіс, сондай-ақ кәсіпкерлік колледж студенттері Иван Макагон мен Данияр Казиевке алғыс хаттар табыстады. Сонымен қатар, студенттерге экологиялық кабинет жұмысын қолдағаны және "ReStart"республикалық жобасына қатысқаны үшін @terrapaper және @shaddi_eco_workshop демеушілерінен сыйлық сертификаттары табысталды. Құттықтаймыз!

30 қаңтар 2026 жыл