Жаңа Конституция: ауқымды трансформация

Бүгін М. Дулатов атындағы Қостанай инженерлік-экономикалық университетінің студенттері үшін «Конституция - құқықтар мен міндеттердің негізі» тақырыбында интерактивті дәріс өтті.

Дәрісті әлеуметтік-экономикалық пәндер кафедрасының аға оқытушысы Виктория Викторовна Шерниязова жүргізіп, жаңа Конституция жобасындағы негізгі өзгерістерді түсіндірді.

Кездесу барысында қатысушыларға Конституция жобасына енгізілген өзгерістер жан-жақты баяндалып, ұсынылып отырған бастамалардың саяси жүйені жетілдіруге, әділетті қоғам құруға, сондай-ақ азаматтардың құқықтары мен бостандықтарын қорғауды күшейтуге бағытталғаны атап өтілді.

- Жаңа Конституция алдағы ондаған жылдарға арналған өмір сүру ережелерін қалыптастырады. Сондықтан жастардың сырттай бақылаушы болып қалмай, бұл өзгерістерді саналы түрде талқылап, олардың күнделікті өмірде қалай жүзеге асатынын түсінуі өте маңызды, - деп атап өтті спикер.

10 ақпан 2026 жыл

https://www.instagram.com/p/DUkkSvsjLK6/