Студенттен - запастағы офицерге дейін

Бүгін ҚИнЭУ студенттері үшін Ахмет Байтұрсынұлы атындағы Қостанай өңірлік университетінің әскери кафедра циклының бастығы, полковник Андрей Юрьевич Зимоглядовпен кездесу ұйымдастырылды. Кездесу барысында әскери кафедрада оқу артықшылықтары, студенттердің грант негізінде білім алу, сондай-ақ запастағы офицер атағын алу мүмкіндігі бар екенін атап өтті. Полковниктің айтуынша, іріктеу кезеңінде физикалық дайындығы, психологиялық тест нәтижесі және GPA балы маңызды рөл атқарады. Бұл көрсеткіштер неғұрлым жоғары болса, грантқа түсу мүмкіндігі соғұрлым арта түседі. Студенттер өздерін қызықтырған сұрақтарын қойып, оқуға түсу талаптары мен оқу процесі туралы толық ақпарат алды. Диалог тек жігіттерге ғана емес, қыздарға да қызықты болды, өйткені әскери кафедрада оқу барлық студенттер үшін қолжетімді.

10 наурыз 2026 жыл.