Табиғатпен қалай достасуға болады?

Бүгін Қостанай қаласындағы №6 жалпы білім беретін мектебінің бастауыш сынып оқушылары ҚИнЭУ-дің Жасыл алаңының өкілдерімен кездесті. Бұл іс-шара республикалық ReStart жобасы аясында ұйымдастырылды. Бірінші және екінші сынып оқушылары Динара Шадринаны мұқият тыңдап, «Табиғатпен қалай достасуға болады?» деген сұрағына шынайы әрі анық жауап берді: - «Ластамау керек!» - «Ағаштар мен жануарларды қорғау керек!» - «Табиғатқа қамқор болу керек!» Жасына карамастан олар табиғатты қорғаудың маңыздылығын жақсы түсінеді екен. Динара Бостановаға ҚИнЭУ Жоғары кәсіпкерлік колледжінің еріктілері - Иван Макогон, Данияр Казиев және Ярослав Медведев көмектесті. Олар балаларға қоқыс және оның салдары туралы қысқа бейнебаяндар көрсетіп, интерактивті ойын ұйымдастырды. Оқушылар пластик, қағаз және басқа да қалдықтарды дұрыс жинауды үйренді. Ойыннан кейін оқушылар қоқысты қалай қайта өңдеуге болатынын, әрі оны азайту үшін не істеу керектігін білді. Сабақ соңында балалар экоорталыққа пластикалық бөтелкелер, қақпақтар, батарейкалар және қағаздар сыйға тарты. Бұл маңызды қадам табиғатты қорғау әркімнен, тіпті ең кішкентай достарымыздан басталатынын көрсетті.

13 наурыз 2026 жыл.