Наурыз айы туғанда

Наурыз мерекесімен бірге Қостанай инженерлік-экономикалық университетінде ерекше көңіл күй орнады.

Университет ректоры Арман Оразалиевич Исмаилов ұжымды қос мереке - Ораза айт және Наурыз мейрамымен құттықтап, баршаға бейбітшілік, береке-бірлік және табыс тіледі. Сондай-ақ мерекелік жәрмеңкеге белсенді қатысқан кафедраларға алғыс хаттар табыстады.

Мерекелік бағдарлама мазмұнды болды. Қатысушылар мақал-мәтелдер бойынша білімдерін сынап, «Наурыз караоке» байқауына қатысып, суреттер арқылы әндерді тауып, ұлттық тағамдардың атауын анықтады. Белсенді қатысушылар @sushi.kostanay.leader серіктестерінің сертификаттарына ие болды.

Кештің көркін «Казачья воля» ансамблі аша түсті. Сондай-ақ залда ұлттық әуендер шырқалды. Мерекенің шарықтау сәті - «Қара жорға» биі болды. Зал толы көрермен бір сәтте ерекше энергияға бөленіп, ұлттық рух пен дәстүрдің айқын көрінісіне куә болды. Жүрдек ырғақ, серпінді қимылдар мен әуеннің үйлесімі көрермендерді өзіне баурап, мерекелік көңіл-күйді одан әрі асқақтатты.

20 наурыз 2026 жыл