Python тілінде

Бүгін М. Дулатов атындағы Қостанай инженерлік-экономикалық университетінде ақпараттық технологиялар және автоматика кафедрасының апталығы аясында Python бағдарламалау тілі бойынша олимпиада өтті. Зияткерлік сайысқа «Есептеу техникасы және бағдарламалық қамтамасыз ету», сондай-ақ «Ақпараттық технологиялар және жасанды интеллект» білім беру бағдарламаларының бірінші және екінші курс студенттері қатысты. Қатысушылар әртүрлі деңгейдегі бес практикалық тапсырманы бір сағат ішінде орындады. Байқау барысында ұялы телефондар мен қосымша материалдарды пайдалануға қатаң тыйым салынды. Бұл қатысушылардың білім деңгейін әділ бағалауға мүмкіндік берді. Олимпиада қорытындысы бойынша бірінші орынды Анна Ирс иеленді. Екінші орынға Глеб Шевченко, ал үшінші орынға Данил Варакута жайғасты. Жеңімпаздар мен қатысушылар марапат қағаздарымен және естелік сыйлықтармен марапатталды.

15 сәуір 2026 жыл.