Белсенділіктеріңіз үшін рахмет!

Бүгін ректорлық сағатта университет ректоры Арман Оразалиұлы Исмаилов бір ай бойы «Студенттік көктем-2026» байқауына дайындалған белсенді студенттерді атап өтті. Олар сахнада өнер көрсетіп, би билеп, ән айтып, театрлық қойылымдарға қатысып, көңілді тапқырлар клубында өнер көрсетіп, сонымен қатар оқу ордамыздың абыройын спорттық және зияткерлік алаңдарда қорғады. - Университетте арнайы спорттық, өнер факультеттердің болмағанына қарамастан, сіздер өз күштеріңізбен командалар құрып, жоғары деңгейде өнер көрсеттіңіздер», - деп атап өтті ректор. Ең белсенді студенттерге алғыс хаттар мен естелік сыйлықтар табысталды. Сондай-ақ ректор барлық студенттерге алдағы сессияда сәттілік тіледі.

28 сәуір 2026 жыл.