Халықтық Конституция - ұлттық құндылықтар мен бірліктің айнасы

Бүгін Қостанайда «Халықтық Конституция - ұлттық құндылықтар мен бірліктің айнасы» тақырыбында сараптамалық алаң өз жұмысын жүргізді.

Іс-шараға өңірлік сарапшылар, ғылыми қауымдастық өкілдері, саяси партиялар және үкіметтік емес ұйымдардың өкілдері, сондай-ақ Қостанай инженерлік-экономикалық университетінің президенті Рихсибай Абдурахманұлы Мамедов пен ректор Арман Оразалиұлы Исмаилов қатысты.

Қостанай облысы әкімінің орынбасары Бақытжан Хаберұлы Нарымбетов Конституция мемлекеттілікті нығайтудағы, азаматтардың құқықтары мен бостандықтарын қорғаудағы, сондай-ақ экономика, ғылым, білім беру және инновацияларды дамытудағы рөлін ерекше атап өтті.

Сараптамалық алаң жұмысы аясында Міржақып Дулатов атындағы Қостанай инженерлік-экономикалық университетінің әлеуметтік-экономикалық пәндер кафедрасының меңгерушісі Дархан Серікұлы Ахметов, осы кафедраның аға оқытушысы Виктория Викторовна Шерниязова және жастар саясаты департаментінің директоры Шолпан Қанатқызы Ибраева Қазақстан Республикасының жаңа Конституциясы жобасын сапалы дайындауға, жалпыұлттық референдумды ұйымдастыруға және өткізуге айрықша атсалысқаны үшін, сондай-ақ мемлекеттік басқару жүйесін жетілдіру мен игі бастамаларды жүзеге асыруға елеулі үлес қосқаны үшін Қазақстан Республикасы Президенті Қасым-Жомарт Тоқаевтың алғыс хаттарымен марапатталды.

Құттықтаймыз, әріптестер!

https://www.instagram.com/reel/DXrktocjJIf/?igsh=MWQ5N2llb3l2bTh4Mw==

28 сәуір 2026 жыл