Халықаралық жеңіс

Жақсы жаңалығымыз бар. «Менеджмент» білім беру бағдарламасының 1 курс магистранты Глеб Ихласов ғылыми жұмыстардың халықаралық байқауында бірінші орын иеленді.

Байқау Тюмень индустриялық университетінде өткен «Инженерлік білім беруді гуманитарландыру: жасанды интеллект дәуірінің гуманитарлық сын-қатерлері мен технологиялық шешімдері» атты V Халықаралық ғылыми-практикалық конференция аясында ұйымдастырылды.
Глеб «Эмоцияларды талдаумен биометриялық төлемдердің зияткерлік жүйесі» атты ғылыми жұмысын «Білім беру, бизнес, билік және қоғам салаларындағы жасанды интеллект» секциясында ұсынды.

Бұл нәтижеге қол жеткізуде ғылыми жетекшісі - педагогика ғылымдарының кандидаты, әлеуметтік-экономикалық пәндер кафедрасының қауымдастырылған профессоры міндетін атқарушы Надежда Ивановна Росенконың еңбегі ерекше. Оның жетекшілігімен жоба бизнес-идея деңгейінен толыққанды ғылыми зерттеу деңгейіне дейін жетілдіріліп, халықаралық деңгейде жеңіске жетуге мүмкіндік берді.

Халықаралық деңгейдегі жеңісіңізбен құттықтаймыз және алдағы уақытта жаңа жетістіктер тілейміз!

6 мамыр 2026 жыл