Жобалық оқыту нәтижелері қуантарлық

Бүгін жобалық оқыту аясында студенттік жобаларды бағалау жұмысы үш кафедрада жалғасын тапты. Ақпараттық технологиялар және автоматика кафедрасында «Жобаларды басқару», сондай-ақ «Электронды бизнесті интернетте дамыту негіздері» пәндері бойынша студенттер ойынның сатылымын арттыру мақсатында оның промосайтын әзірледі. Стандарттау және тағам технологиялары кафедрасында «Функционалдық мақсаттағы өнімдер технологиясы» пәні бойынша болашақ технологтар сүт өнімдеріне - айран, сүт және йогуртқа арналған жұмыстарымен таныстырды. Әлеуметтік-экономикалық пәндер кафедрасының студенті Best KZ компаниясымен ынтымақтастық аясында экскурсиялық туристтік бағыт әзірлеген. Жоба- бұл жай ғана серуен емес, нақты адамдардың тағдырлары арқылы көне қала тарихына терең бойлау болып табылады. Студенттердің үлкен еңбек атқарғаны байқалады. Жобалары мазмұнды әрі қызықты.

5 мамыр 2026 жыл.