«STEM-FEST»: ғылым территориясы

«STEM-FEST» облыстық фестивалі өңіріміздің жас зерттеушілерін біріктірді. Дарынды оқушылардың ғылыми әлеуетін дамытуға бағытталған ғылыми-зерттеу жұмыстары байқауы екі кезең бойынша ұйымдастырылды. Алғашқы кезеңде М.Дулатов атындағы Костанай инженерлік-экономикалық университеті оқушылардың жобаларын қабылдап, іріктеді. Байқауға Қостанай облысының түкпір-түкпірінен келген оқушылардың 121 ғылыми жұмысы ұсынылды. Байқаудың екінші кезеңі 21 мамыр күні «IQOSTANAY» оқушылар сарайында өтті. Іс-шараға Қостанай инженерлік-экономикалық университетінің ғылыми-инновациялық даму және жасанды интеллект жөніндегі проректоры Нұргүл Қалиевна Удербаева бастаған профессор-оқытушылар құрамы белсенді қатысты. Олар қазылар алқасының құрамында жұмыс жасап, қатысушылардың ғылыми жобаларын бағалады. Нәтижесінде үш секция бойынша үздік жұмыстар анықталып, жеңімпаздар марапатталды. Байқау Қостанай облысы әкімдігі Білім басқармасының Ақпараттандыру және білім сапасын бағалау әдістемелік орталығымен бірлесіп ұйымдастырды.

21 мамыр 2026 жыл.