Үйге оралуларыңмен!

Бүгін университет ректоры Арман Оразалиевич Исмаилов бірнеше күн бұрын Польшадан оралған студенттермен және оқытушылармен кездесті.
- Үйге оралуларыңмен! Қалдарың қалай,- деп ректор алдымен студенттердің көңіл күйін, сапардан алған әсерлерін сұрады.

Софья Мамедова мен Бекзат Казимбек Польшаға тәжірибеден өтуге екінші жыл қатарынан барып жүр. Студенттердің айтуынша, биылғы сапар былтырғыға қарағанда әлдеқайда қызықты өткен. Олар жатақханада тұрып, жұмыс орындарына арнайы көлікпен қатынаған.

Маусым соңында студенттер Германия, Италия, Испанияға саяхаттап үлгірген. Сондықтан Еуропадан алған әсерлері аз емес.
- Мен Мюнхен мен Барселона қалаларында болдым. Барселонада адам көп, көшелері тар әрі қарбалас. Ал Мюнхен қаласы өзінің сәулетімен және жайл көшелерімен таңғалдырды,- дейді Бекзат.

Бекзат Казимбек, Ерасыл Косымбаев және Родион Батуашвили болашақ агроэкологтар болғандықтан, егіс алқабындағы мұндай тәжірибе олардың кәсіби тұрғыдан қалыптасуына зор ықпалын тигізді.

Енді кәсіби білімдерін толықтырып, жаңа дағдыларды меңгерген студенттер оқуын жалғастыруға кірісті.

03.11.2026