Жылдың қорытындылары: М. Дулатов атындағы ҚИнЭУ-де бейресми білім беруді дамытудың негізгі нәтижелері

М. Дулатов атындағы ҚИнЭУ білім алушыларға Coursera, Skills Enbek және Bilim Upskill платформаларындағы заманауи онлайн-курстарға қолжетімділік ұсына отырып, бейресми білім беру мүмкіндіктерін кеңейтуді жалғастыруда.
Цифрлық білім беру платформалары мен онлайн-курстар дәстүрлі оқытуды толықтырып, білім алушылар мен оқытушыларға өзекті білімге, заманауи технологияларға және жетекші ұйымдардың білім беру ресурстарына қол жеткізуге мүмкіндік береді. Білім алушылар кәсіби қызығушылықтарын ескере отырып, курстарды өз бетінше таңдап, қосымша құзыреттерді игеріп, жеке білім беру траекториясын қалыптастыра алады. Профессор-оқытушылар құрамы үшін онлайн-оқыту біліктілікті арттыруға, оқыту әдістемесін жетілдіруге және білім беру процесіне заманауи цифрлық құралдарды енгізуге ықпал етеді.
2024–2026 жылдары Университет Coursera платформасындағы онлайн-оқуға білім алушылардың қатысу ауқымын тұрақты түрде кеңейтті. Жыл сайын 50 лицензия бөлініп, қатысушылар саны 2024 жылғы 99 адамнан 2025 жылы 126 адамға және 2026 жылы 128 адамға дейін өсті. Қарастырылып отырған кезеңде қамту көрсеткіші 29,3%-ға артты.
2026 жылғы 26 наурыздағы Coursera білім беру платформасының пайдаланушылық лицензияларын қабылдау-тапсыру актісіне сәйкес Университетке 50 лицензия бөлінді. Курстарға 105 білім алушы тіркеліп, олардың 100-і кемінде бір курсты аяқтады. Барлығы 131 сертификат алынды. Бөлінген лицензиялар санына шаққандағы аяқталған курстар көрсеткіші 262%-ды құрады.
Білім алушылар 41 курс атауын игерді. Оқыту мазмұны келесі бағыттарды қамтыды:
Жасанды интеллект және генеративті жасанды интеллект;
Машиналық оқыту және Data Science;
Жасанды интеллектіні жауапты және әдепті қолдану;
Prompt Engineering;
Robotics and Cybersecurity;
Data Analysis and Business Analytics;
Entrepreneurship and Financial Literacy;
Graphic Design and Mobile App Development.
Оқыту үш тілде жүргізілді: 33 курс ағылшын тілінде, 5 курс орыс тілінде және 3 курс қазақ тілінде игерілді.
Сонымен қатар ЭЭ-321 тобының екі білім алушысы Skills Enbek платформасында электр энергетикасы бойынша бейіндік курсты таңдады. Бұл даярлау бағытын ескере отырып, кәсіби білімді тереңдетуге және қосымша құзыреттерді игеруге мүмкіндік береді.
Университет оқытушылары да бейресми білім беруді дамытуға белсенді қатысуда. Bilim Upskill платформасында 2026–2027 оқу жылының қазан айындағы легінде үш оқытушы білім алды: Бедыч Т.В., Кетебаева Ж.Б. және Игнатенко М.Ф. Қараша айындағы лекке бес оқытушы кірді: Альшанова Б., Назарова Ж., Сагиева А., Оразбаев Т. және Казова А.
Алынған нәтижелер білім алушылар мен оқытушылардың өзекті цифрлық және кәсіби құзыреттерді игеруге қызығушылық танытатынын көрсетеді. Университет онлайн-курстар тізбесін кеңейту және бейресми білім беру нәтижелерін білім беру процесінде пайдалану бойынша жұмысты жалғастырады.