ЖИ-ді тағылымгер ретінде пайдалану

Бүгінде ChatGPT және басқа да жасанды интеллект құралдары оқу мен жұмыста жиі қолданылады. Алайда олардың көмегімен жеке ақпаратпен бөлісу қаншалықты қауіпсіз екені туралы көпшілік ойлана бермейді.

Бұл туралы ҚИнЭУ-дің цифрлық трансформация және AI Департаментінің цифрлық шешімдерді әзірлеу және АІ бөлімінің басшысы Алмат Кушебаев студенттермен өткен кездесуде айтты.

Спикер алдымен студенттерге ChatGPT пен Claude сияқты сервистердің пайдаланушы келісімін оқыған-оқымағанын сұрады. Оның айтуынша, көпшілік нейрожеліге жеке мәліметтерін жібергенде, олардың қалай сақталып, өңделетінін ескере бермейді.

Алмат Кушебаев жасанды интеллектінің барлық сұраққа дұрыс жауап бере алмайтынын да еске салды. Ол өзіне үйретілген деректер негізінде жауап құрастырады, сондықтан кейде қателесуі мүмкін. Сол себепті ЖИ ұсынған ақпаратты міндетті түрде тексеру қажет.

Кездесуде спикер жасанды интеллектіні қолдануға қатысты мынадай кеңес берді:
-Жасанды интеллекті ұстаз емес, тағылымгер ретінде пайдаланыңыз.

Сонымен қатар Алмат Кушебаев жасанды интеллектіден бас тартудың қажеті жоқ екенін айтты. Керісінше, оны дұрыс пайдалана білген адам өз дағдыларын жетілдіріп, күрделі міндеттерді орындауға және жаңа мүмкіндіктерге қол жеткізе алады. Ең бастысы - технологияны саналы пайдаланып, сыни ойлау қабілетін жоғалтпау.

10.11.2026