Сандық әлемде өздерін қорғауға үйренді

ҚР Қаржы мониторинг Агенттігі сандық қауіпсіздіке байланысты сабақтар тізбегін бастады. Бүгін Қостанай облысы бойынша экономикалық тергеу департаменті ҚИнЭУ студенттері үшін «Заң және тәртіп» қағидасы аясында Digital Lessons AFM дәрісін өткізді.

Сабақ AI_DOSA цифрлық көмекші-офицердің көмегімен интерактивті форматта өтті. Қостанай облысы бойынша экономикалық тергеу департаменті жедел басқармасының басшысы Жігер Абатұлы Ташегулов пен аса маңызды істер жөніндегі аға жедел уәкілі Дархан Зейноллаұлы Саутбеков студенттерге интернет-алаяқтардың құрбаны болмау жолдарын түсіндірді.

Спикерлер Қазақстанда кибералаяқтық жағдайлары жылдан жылға өсіп келе жатқанын және өзімізді қорғау үшін мұқият және қырағы болу қажеттігін жеткізді.

Студенттер ұялы телефондарды цифрлық бекініске айналдыруды және фишингтік сілтемелер мен зиянды бағдарламаларды тануды үйренді.

Ең белсенді студенттер естелік сыйлықтар, сондай-ақ цифрлық кеңістікте өздерін қауіпсіз сезінуге көмектесетін пайдалы білім алды.

18 қараша 2025 жыл 

https://www.instagram.com/p/DRMdffJDDOQ/?igsh=MTAxM2cwODV4b2Y0bw==