Кездейсок қылмыскер болма!

Қостанай инженерлік-экономикалық университетінде «Құқықтық терезе: дропперлік пен есірткі қылмысы» тақырыбында кездесу өтті. Қостанай көлік прокуратурасының орынбасары Ерлан Еркінұлы Хамитов, көлік прокуратурасының прокуроры Рахымжан Айбергенұлы Бораш және Қостанай станциясындағы желілік полиция бөлімшесінің БАӘ аға инспекторы, полиция майоры Элира Батырғалиқызы Нарбасова студенттермен ашық диалог форматында әңгіме өрбітті. Ерлан Еркінұлы атап өткендей, қазіргі таңда темір тордың аржағында көбіне қылмыстық тәжірибесі жоқ, қарапайым студенттер мен жас мамандар отыр. Бұл құбылысты ол «кездейсоқ қылмыскер» деп атайды.

- Біздің мақсатымыз - сіздерді қорқыту емес, заңды білмеуден туындайтын қауіпті қателіктерден сақтандыру, - деді Ержан Хамитов. Құқық қорғаушылар нақты өмірлік жағдайларды мысалға келтіріп, қарапайым заттардың да заң бойынша дәлелге айналуы мүмкін екенін түсіндірді және заңның ниеттерге емес, әрекетке қарай бағалайтынын атап өтті.

27 қаңтар 2026 жыл.