Тіл - ұлттың жаны

Университет қабырғасында Жастар саясаты департаментінің ұйымдастыруымен «Тіл - ұлттың жаны» атты зияткерлік-танымдық квиз өтті. Аталған іс-шара мемлекеттік тілдің мәртебесін арттыруға, тіл мәдениетін дамытуға бағытталды. Байқауға үш команда, әрқайсысы үш қатысушыдан құралған топтар қатысты. Ойын басталған сәттен-ақ залда ерекше атмосфера орнады: зейін, қызығушылық және жеңіске деген ұмтылыс сезілді. Қатысушылар қазақ тілі мен әдебиеті, сөз тарихы, мақал-мәтелдер мен фразеологизмдер бойынша сұрақтарға жауап беріп, логикалық және шығармашылық тапсырмаларды орындады. Ұйымдастырушылардың айтуынша, квиздің басты мақсаты - мемлекеттік тілге деген қызығушылықты арттырып қана қоймай, оның байлығы мен көркемдігін жастар арасында насихаттау.

12 ақпан 2026 жыл.