Стресстік жағдайларға төтеп беруді үйренді

Бүгін ҚИнЭУ студенттері үшін Мансап және бизнес-көшбасшылық орталығы «Өндірістегі жас маманның стресстік жағдайларға төзімділігі» тақырыбында тренинг ұйымдастырды. Бұл тақырыптың таңдалуы кездейсоқ емес. Ол жұмыс берушілердің сұранысы негізінде анықталды. Сауалнама жүргізу барысында кәсіпорын өкілдері жас мамандардың стресске төзімділігін дамытуға ерекше көңіл бөлуді ұсынды. Олардың айтуынша, түлектер өндірісте жұмысқа орналасқан алғашқы айларда бейімделу барысында белгілі бір қиындықтарға тап болады. Кездесуге Allur зауытының психология және коучинг орталығының корпоративтік психологтары Назгуль Шаяхметова мен Жұлдызай Нұрбаева шақырылды. Олар Қостанай өңірлік университетінің практикант-студенттерімен бірге студенттерге стресс қалай пайда болатынын, оны қалай тануға болатынын және оның кәсіби қызметке әсері туралы айтып берді. Тренинг барысында қатысушылар жұмыс орнында күйзелісті азайтуға көмектесетін қарапайым тәсілдермен және жаттығулармен танысты. Сонымен қатар психологтар өндірісте жас мамандардың бейімделуіне байланысты бірнеше практикалық кейстерді талқылады. Кездесу интерактивті бөліммен аяқталды. Студенттер практикалық тапсырмаларға қатысып, алған білімдерін бекітіп, оны болашақта нақты жұмыс жағдайында қалай қолдануға болатынын түсінді.

13 наурыз 2026 жыл.