Нөл қалдық және жаңа әдеттер

Бүгін ҚИнЭУ студенттері университеттің Жасыл алаңының қызметімен және миссиясымен танысты. Бұл экскурсия Мансап және бизнес-көшбасшылық орталығының ұйымдастыруымен өтті. Экоорталықтың жетекшісі Динара Шадрина студенттерге алаңның аймақтарға қалай бөлінгенін және олардың ерекшеліктерін түсіндірді. - Экоорталық халықаралық «AGROKAZ» жобасы аясында ашылған және «Нөл қалдық» философиясы негізінде жұмыс істейді. Аймақтар сағат тіліне қарсы бағытта орналасқан. Бұл - адамның ескі тұтынушылық әдеттеріне қарсы тұруын білдіретін символикалық шешім, - деп атап өтті Динара Шадрина. Сонымен қатар, экоорталық жетекшісі жастарға ескі тұтынушылық әдеттерден арылуға кеңес берді. Мысалы, полиэтилен пакеттердің орнына шопер-сөмкелерді, ал пластик бөтелкелердің орнына қайта пайдаланылатын су бөтелкелерін қолдану арқылы күнделікті өмірде экологиялық дағдыларды қалыптастыруға болады. Мұндай қадамдар қоршаған ортаны қорғауды жеңілдетіп, табиғатты сақтау мәдениетін қалыптастыруға көмектеседі.

31 наурыз 2026 жыл.