Тәжірибе және әдістемелермен алмасты

Бүгін ҚИнЭУ-де «Skills Enbek: жобалау, әзірлеу және онлайн-курстарды орналастыру» семинары өтті. Семинар барысында онлайн-курстарды әзірлеу әдістері , сондай-ақ платформаның функционалды мүмкіндіктері талқыланды.

ҚИнЭУ-дің оқу-әдістемелік жұмысы секторының меңгерушісі Дана Карисовна Жумамбетова микробіліктілік бағдарамалары және оны жүзеге асыру тетіктері туралы баяндады.

Ол микробіліктілік бағдарламалары жұмыс берушілермен бірлесіп әзірленіп, қолданыстағы білім беру бағдарламаларына біріктірілетінін атап өтті. Мұндай тәсіл білім беру мазмұнын еңбек нарығының талаптарымен ұштастыруға мүмкіндік береді.

Еңбек ресурстарын дамыту орталығының біліктіліктер және құзыреттерді цифрлық дамыту департаментінің бас сарапшысы Гүлназ Бахитовна Мусина Skills Enbek платформасындағы онлайн-курстарды әзірлеу әдістемелеріне тоқталды.

Сондай-ақ осы департаменттің бас сарапшысы Иманғали Нурланұлы Есімбек платформанынң функционалды мүмкіндіктерімен таныстырды.

Семинар білім беру үдерісіне цифрлық технологияларды енгізу және еңбек нарығының сұранысына сай кәсіби құзыреттерді дамыту мәселелерін талқылауға мүмкіндік берді.